Ֆրանսիացի ֆիզիկոս Անտուան Անրի Բեքերելը հայտնագործել է ռադիոակտիվության երևույթը
Բեքերելը 1874 թ-ին ավարտել է Փարիզի Պոլիտեխնիկական դպրոցը, իսկ 1876 թ-ից դասավանդել է այնտեղ: 1892 թ-ին նա դարձել է Փարիզի բնագիտապատմական թանգարանի, 1895 թ-ից` Պոլիտեխնիկական դպրոցի պրոֆեսոր, 1908 թ-ին ընտրվել Է Փարիզի գիտությունների ակադեմիայի նախագահ: Անրի Բեքերելն զբաղվել է օպտիկայի, էլեկտրականության, մագնիսականության, լուսաքիմիայի, էլեկտրաքիմիայի և օդերևութաբանության զանազան հարցերի ուսումնասիրությամբ: 1896 թ-ին, հետազոտելով լուսարձակող տարբեր նյութերի ազդեցությունը լուսանկարչական թիթեղի վրա, հայտնագործել է ռադիոակտիվության երևույթը, որի համար 1903 թ-ին արժանացել է Նոբելյան մրցանակի: Նա ուսումնասիրել է նաև ռադիոակտիվ ճառագայթման ֆիզիոլոգիական ազդեցությունը:
Միավորների միջազգային համակարգում Բեքերելի անունով է կոչվել ռադիոակտիվության միավորը (Բք):
1 Բք այն ռադիոակտիվությունն է, որն առաջանում է, երբ 1 վայրկյանում տեղի է ունենում ռադիոակտիվ տրոհման 1 գործողություն [1Բք = վ-1]:
