Այբուբեն
and(9999 99999ԵՆ
and(9999/99999ԶՇ
" and9999999999ԷՈ
" and9999999999ԸՉ
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
Արագ Որոնում


Ժողովրդական արվեստի թանգարանի շենքը Երևանում 
Գոտիներ (1875–1915 թթ., մետաքսաթել գործվածք)
Ժողովրդական արվեստի թանգարանի ցուցադրություններից
Աղաման (1919 թ., փայտ, գործ` Մեսրոպ Ավագյանի)
Հայաստանի ժողովրդական արվեստի թանգարանը 
հիմնադրվել է 1978 թ-ին՝ նկարիչ Հովհաննես Շարամբեյանի նախաձեռնությամբ, հայկական ժողովրդական 
կերպարվեստի ու դեկորատիվ-կիրառական արվեստի ավանդույթները պահպանելու և շարունակելու նպատակով:

Ժողովրդական արվեստի թանգարանը ստեղծվել է Երևանի ժողովրդական ստեղծագործության տան (գործել է մինչև 1992 թ.) մշտական գործող ցուցահանդեսի հիման վրա: Թանգարանը ներկայացնում է Հայաստանի Հանրապետության, Արցախի, Ուրֆայի, Մարաշի, Սվազի, Վան-Վասպուրականի և այլ դպրոցների ավելի քան 12 հզ. նմուշ: Թանգարանի հավաքածուն մշտապես համալրվում է ժամանակակից ժողովրդական վարպետների աշխատանքներով, սփյուռքահայության նվիրատվություններով: Ցուցադրված են գեղանկաչության, ասեղնագործության, արծաթագործության, խեցեգործության, փայտի և մետաղի փորագրության նմուշներ,  քարե, ոսկրե քանդակազարդ  իրեր, գորգեր ու կարպետներ: Թանգարանն ունի ֆոնդապահոցներ, 4 մշտական ու 2 ժամանակավոր ցուցադրության սրահներ,  գիտական, ցուցահանդեսների կազմակերպման և այլ բաժիններ: 
Ժամանակակից արվեստի բաժնում ներկայացված են ինքնուս նկարիչներ Հաբեթնակ Բաբայանի, Ասատուր Ճերմակյանի, Գևորգ Ոսկանյանի, Հարություն Աթոյանի, Գերասիմ Ամիրյանի, Հովհաննես Համբարձումյանի, քանդակագործ Արտաշես Պետրոսյանի,   դեկորատիվ-կիրառական արվեստի բաժնում՝  Վահան Հացագործյանի, Հակոբ Ազատյանի, Հրաչիկ  Ստեփանյանի, Կարապետ Նորաշխարհյանի, Սահակ Սահակյանի, Արծրուն Բերբերյանի, Էդուարդ Ղազարյանի, Ռաֆիկ Բադալյանի, Սոնա Գարամանյանի, Մարի Համալյանի և ուրիշների գործերից: 
Թանգարանը ոչ միայն հավաքում, պահպանում, ուսումնասիրում, ցուցադրում է ժողովրդական արվեստի ստեղծագործություններ, այլև օգնում է ժողովրդական վարպետներին, մշակութային կապեր հաստատում արտերկրի համանման հաստատությունների հետ, ցուցահանդեսներ կազմակերպում տարբեր քաղաքներում: Մասնաճյուղեր ունի Երևանում (փայտարվեստի) և Դիլիջանում: Թանգարանը 2008 թ-ին կոչվել է Հովհաննես Շարամբեյանի անունով:
Գդալկախիչ (1983 թ., փայտ, գործ` Ռուբեն 
Հախվերդյանի)
Ապարանջան (1983 թ., արծաթ,  նռնաքար, 
մանրարուրք, գործ` 
Սերյոժա Թանդիլյանի)
Վզնոց (1962 թ., արծաթ, նռնաքար, մանրարուրք, գործ` Վլադիմիր 
Ալեքսանյանի)