Այբուբեն
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
099999ԳՅ
099999ԴՆ
199999ԵՇ
and 199999ԶՈ
Արագ Որոնում


Կոնֆուցիուս
 (մ. թ. ա. 551–479 թթ.) 
Ժամանակակից կոնֆուցիուսական 
տաճար Մալակայում (Մալայզիա)
Կոնֆուցիուսականությունն ազնվականության շահերն արտահայտող բարոյաքաղաքական ուսմունք է:  Հիմքը դրել է 
փիլիսոփա Կոնֆուցիուսը Չինաստանում, մ. թ. ա. VI դարում: 

Կոնֆուցիուսականության ուսմունքի հիմքում «ազնվազարմ այրի» իդեալն է, որը համաձայնության մեջ է «երկնային պատվիրանի» և բարոյականության օրենքի (դաո) հետ, պաշտպանում է վարվելակարգը (լի), օժտված է ծնողների և ավագների հանդեպ որդիական խոնարհումով (սյաո):
Սյաոն մարդասիրության (ժեն) և այլ բարեմասնությունների հիմքն է ու երկրի կառավարման ամենաարդյունավետ եղանակը:
Ընդունված է, որ Տիրակալի իշխանությունը սրբազան է՝ երկնքից պարգևված, իսկ մարդկանց բաժանումը բարձր և ցածր (ազնվազարմ  այրերի ու մարդուկների) խավերի արդարության համընդհանուր օրենքն է:
Կոնֆուցիուսականության հիմունքները շարադրված են Կոնֆուցիուսի «Զրույցներ և դատողություններ» գրքում, որը կազմել են նրա աշակերտներն ու հետևորդները (Տյան Ցզի, Սյուն Ցզի և ուրիշներ): 
Մ. թ. ա. 136 թ-ին՝ Ու Դի կայսեր օրոք, կոնֆուցիուսականությունը հռչակվել է որպես պաշտոնական գաղափարախոսություն: Այն ունեցել է զարգացման նոր շրջան, որը նշանավորվել է գիտնական-պատմաբան և փիլիսոփա Չժու Սիի (1130–1200 թթ.) ուսմունքի նոր փիլիսոփայական համակարգի ստեղծմամբ: Ի տարբերություն վաղ կոնֆուցիուսականության՝ նոր կոնֆուցիուսականության մեջ նշանակալի տեղ ունեն գոյաբանության, բնափիլիսոփայության և տիեզերածնության հարցերը: 
Հաստատելով սոցիալական կարգերի անսասանությունը՝ նոր կոնֆուցիուսականությունը գերիշխել է Չինաստանի փիլիսոփայական ու հասարակական-քաղաքական կյանքում մինչև  XX դարի սկիզբը՝ 1911 թ-ի Սինհայյան հեղափոխությունը: Կոնֆուցիուսականությունը մեծ ազդեցություն է ունեցել նաև Ճապոնիայում, Կորեայում և Վիետնամում: