Այբուբեն
and(9999 99999ԵՆ
and(9999/99999ԶՇ
" and9999999999ԷՈ
" and9999999999ԸՉ
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
Արագ Որոնում


Պետական կարգը՝
հանրապետություն
Մայրաքաղաքը՝
Դուբլին
Տարածքը՝ 
70,3 հզ. կմ2
Բնակչությունը՝
4,34 մլն
Պետական լեզուները՝
իռլանդերեն, անգլերեն
Դրամական միավորը՝ 
եվրո (մինչև 2002 թ.` 
իռլանդական ֆունտ)
Լիֆի գետը Դուբլինը բաժանում է գրեթե երկու հավասար մասերի, որոնք միմյանց հետ կապված են այսպիսի 10 կամուրջներով:
Իռլանդիայի Հանրապետություն
Իռլանդիան գտնվում է Եվրոպայի հյուսիս-արևմուտքում. զբաղեցնում է Իռլանդիա կղզու 5/6 մասը: Կղզին ծածկված է կանաչ մարգագետիններով, որի համար Իռլանդիան հաճախ կոչում են «կանաչ երկիր», «զմրուխտե կղզի»:
Իռլանդիայի տարածքի մեծ մասը հարթավայրային է, հարավ-արևմուտքում՝ ծովափին մոտ, ձգվում են Կեռի լեռները:
Կլիման բարեխառն օվկիանոսային է: Կղզու արևմտյան ափերը ողողում է Հյուսիսատլանտյան տաք հոսանքը, որի շնորհիվ Իռլանդիայի կլիման մեղմ է: Տարին բոլոր օվկիանոսից փչում են տաք և խոնավ քամիներ, արևոտ օրերը քիչ են:
Խոշոր գետը Շանոն է, քիչ չեն նաև փոքր, բայց ջրառատ գետերը: Տարածքի 15%-ը զբաղեցնում են տորֆաբեր ճահիճները:
XII դարում Իռլանդիան սկսեցին նվաճել անգլիացիները, որը տևեց 8 երկար ու ձիգ դարեր: Եվ, այդուհանդերձ, իռլանդական ժողովուրդը չընկճվեց և պահպանեց իր ինքնությունն ու մշակույթը: Իռլանդացիները խոշոր հաղթանակ տարան, երբ 1921 թ-ին երկիրը հռչակվեց դոմինիոն՝ անգլիական թագուհու գերագահության ներքո, իսկ 1994թ-ին՝ հանրապետություն՝ նախագահի գլխավորությամբ: Բայց Մեծ Բրիտանիային, այնուամենայնիվ, հաջողվեց Իռլանդիայից պոկել նրա հյուսիսային մասը՝ Հյուսիսային Իռլանդիան (Օլսթեր), որի բնակչությունը մինչև օրս շարունակում է պայքարն անգլիական գաղութատիրությունից ազատվելու համար:
Իռլանդիայի բնակչության մոտ կեսը ապրում է քաղաքներում: Ազգային կազմը միատարր է. 98%-ը իռլանդացիներ են, ապրում են նաև անգլիացիներ, շոտլանդացիներ, հրեաներ և այլք:
Գյուղական բնակչությունը հիմնականում ապրում է առանձին ագարակներում (ֆերմաներ), որոնք շրջապատված են վարելահողերով ու արոտավայրերով:
Իռլանդիայի տնտեսությունը նշանակալի չափով կախված է անգլիական կապիտալից, որին են պատկանում արդյունաբերական շատ ձեռնարկություններ: Զարգացած է արդյունաբերությունը, հիմնականում՝ գյուղատնտեսական հումքի մշակումը. արտադրում են մսի և կաթնամթերքի պահածոներ, յուղ: Մեծ նշանակություն ունի գարեջրի և շաքարի արտադրությունը: Վերջին շրջանում զարգացում են ապրում տեքստիլ, կարի, քիմիական արդյունաբերությունները, մեքենաշինությունը, էլեկտրոնիկան:
Գյուղատնտեսության ուղղվածությունը հիմնականում անասնապահությունն է, հատկապես  խոշոր եղջերավորների մսատու տեսակների բուծումը՝ արտահանության համար: Մեծ նշանակություն ունեն նաև կաթնատնտեսությունը, խոզաբուծությունը, երկրի արևմուտքում՝ ոչխարաբուծությունը: Դաշտավարական մշակաբույսերից են ցորենը, գարին, կարտոֆիլը, բայց հողահանդակների մեծ մասը բաժին է ընկնում արոտավայրերին ու մարգագետիններին: Զբաղվում են նաև ձկնորսությամբ:
Մայրաքաղաք Դուբլինը կարևոր փոխադրական հանգույց է և երկրի գլխավոր ծովային նավահանգիստը, միաժամանակ մշակութային խոշոր կենտրոն է: Ընդհանրապես իռլանդական ժողովուրդը մեծ ներդրում ունի համաշխարհային գրականության ու մշակույթի մեջ: Հանրահայտ են Ջոնաթան Սվիֆթը, Օսկար Ուայլդը, Ուիլյամ Բուտլերը, Բեռնարդ Շոուն, Ջեյմս Ջոյսը. նրանք իռլանդացիներ են, սակայն գրել են անգլերենով: Այժմ երկրում վերածնվում է իռլանդերենը. այն դասավանդվում է դպրոցներում, լեզվի իմացությունը պարտադիր է պետական ծառայողների համար, իսկ կառավարական փաստաթղթերը հրապարակվում են միաժամանակ իռլանդերեն և անգլերեն: