Այբուբեն
099999ԳՅ
099999ԴՆ
199999ԵՇ
and 199999ԶՈ
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
Արագ Որոնում


1646 թ., Լայպցիգ 
1716թ., Հանովեր

Գերմանացի մաթեմատիկոս և ֆիզիկոս Լայբնիցը զարգացրել է հարաբերականության մասին ուսմունքը: Նա առաջինն է ձևակերպել էներգիայի պահպանման օրենքը, Ի. Նյուտոնից անկախ` մաթեմատիկայում ստեղծել է դիֆերենցիալ և ինտեգրալ հաշիվը:
Լայբնիցը սովորել է Լայպցիգի և Ենայի համալսարաններում, այնուհետև կատարելագործվել Փարիզում ու Լոնդոնում: 1676 թ-ից նա ծառայել է Հանովերի հերցոգի մոտ: Լայբնիցը ձևակերպել է ֆիզիկայի կարևորագույն սկզբունքներից մեկը, որը կոչվում է «փոքրագույն գործողության սկզբունք»: Առաձգականության և տատանումների տեսություններում կատարել է մի շարք հայտնագործություններ, ձևակերպել, մասնավորապես, հեծանի ամրության հաշվարկման բանաձևը:
 Գիտության ամենատարբեր բնագավառներում Լայբնիցը կանխորոշել է հետագա հայտնագործությունները: Առաջարկել է գլանի և մխոցի գաղափարը, կատարելագործել Պասկալի հաշվիչ մեքենան, նախագծել օպտիկական և հիդրավլիկ սարքեր: 
Մաթեմատիկայում Լայբնիցը ներմուծել է մաթեմատիկական նշանների համակարգը, բազմաթիվ հասկացություններ և տերմիններ, որոնք օգտագործվում են մինչև այսօր:
Լայբնիցը ստեղծել է լեզուների պատմական առաջացման տեսությունը, տվել դրանց ծագումնաբանական դասակարգումը: Նա հետաքրքրվել է նաև հայոց լեզվի հետ այլ լեզուների ունեցած փոխհարաբերության հարցով, խրախուսել ֆրանսիացի արևելագետ-հայագետ Մ. լա Կրոզի հայագիտական աշխատանքները: Լայբնիցը կապեր է ունեցել Ամստերդամում գործող հայ տպագրիչների՝ Ղուկաս Վանանդեցու և ուրիշների հետ:
Լայբնիցը եղել է Լոնդոնի թագավորական ընկերության, Փարիզի գիտությունների ակադեմիայի անդամ, Բեռլինի գիտությունների ակադեմիայի հիմնադիր-նախագահը: