Այբուբեն
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
099999ԳՅ
099999ԴՆ
199999ԵՇ
and 199999ԶՈ
Արագ Որոնում


872 թ., ք. Բորգե, 
Նորվեգիա
1928 թ., Արկտիկա

«Հաղթում է նա, ով նախատեսում է ամեն բան, մանրուքն անգամ չի անտեսում, դա էլ հենց հաջողությունն է»,- ասում էր հանրահռչակ ծովագնաց Ամունդսենը: 

Նորվեգացի պատանին ծովային գործը լավ յուրացնելու համար 3 տարի ծառայել է նախ որպես հասարակ նավաստի, ապա դարձել ղեկապետ (շտուրման): Իսկ նավապետի դիպլոմ ստանալուց հետո ձեռնամուխ եղավ իր առաջին ինքնուրույն արշավախմբի կազմակերպմանը. նա որոշել էր անցնել Հյուսիսային Ամերիկայի ափերի երկայնքով և փորձել գտնել Ատլանտյանից դեպի Խաղաղ օվկիանոս տանող Հյուսիսարևմտյան ծովանցքը: Դա 1903 թ-ին էր: Գիտարշավը տևեց 3 տարի՝ 3 ծանր ձմեռում Ծայր Հյուսիսում: Արկտիկան արշավախմբի 7 անդամների գլխին էր թափում իր ողջ մոլեգնությունը: Այդուհանդերձ, 1906 թ-ին ճանապարհորդները ողջ-առողջ, գիտական հարուստ պաշարով (հաջողվել էր որոշել նաև մագնիսական բևեռի ճշգրիտ տեղը) հասան Կալիֆոռնիայի ափը: Նրանք արեցին այն, ինչ ուրիշներին չէր հաջողվել 400 տարի շարունակ: 
Այնուհետև գիտարշավները հաջորդեցին միմյանց: 1910 թ-ին նա ուղևորվեց Հյուսիսային բևեռ, բայց այնտեղ  ավելի շուտ հասել էր ամերիկացի Ռոբերտ Փիրին: Ամունդսենը «Ֆրամ» նավով անմիջապես ճանապարհորդեց դեպի Անտարկտիկա և 1911 թ-ի դեկտեմբերի 14-ին առաջինը հասավ Հարավային բևեռ: 1926 թ-ին «Նորվեգիա» դիրիժաբլով Շպիցբերգեն կղզուց առաջինը Հյուսիսային բևեռի վրայով անցավ մինչև Ալյասկա՝ ուսումնասիրելով Արկտիկայի օդային ուղիները:
1928 թ-ին Արկտիկայում աղետի ենթարկվեց «Իտալիա» դիրիժաբլը: Տարբեր երկրներից օգնության շտապողների մեջ էր նաև Ամունդսենը: Նա թռավ օդանավով, սակայն առանց ուղեկցողի: Եվ այդ թռիչքը ճակատագրական եղավ՝ Ամունդսենը չվերադարձավ: Ոչ ոք չգիտի, թե ինչ կատարվեց, որտեղ կործանվեց փառապանծ ճանապարհորդի օդանավը, մի անվեհեր հետախույզի, ում անունը հավերժ կմնա աշխարհագրական հայտնագործությունների պատմության մեջ:
Ամունդսենի անունով կոչվել են ծով` Անտարկտիդայի ափին, լեռ` Անտարկտիդայում, ծոց ու գոգհովիտ` համապատասխանաբար` Հյուսիսային սառուցյալ օվկիանոսում և նրա հատակին:
 Տես նաև Անտարկտիդա: