Այբուբեն
099999ԳՅ
099999ԴՆ
199999ԵՇ
and 199999ԶՈ
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
Արագ Որոնում


Կոտեմը կաղամբազգիների ընտանիքի խոտաբույս է: Հայտնի է մոտ 150 տեսակ: Հայրենիքը Հյուսիսարևելյան և Հարավային Աֆրիկան ու Առաջավոր Ասիան են: Մշակվում է Արևմտյան Եվրոպայում, Հյուսիսային Ամերիկայում, Ռուսաստանում, Միջին Ասիայում, Այսրկովկասում: ՀՀ-ում տարածված է 11 (12) տեսակ՝ վայրի, դաշտային, բշտիկավոր կոտեմները, խմրուկ բանջարը, լայնատերև նվարդակը և այլն: Աճում է չոր, քարքարոտ լանջերին, անտառի բացատներում և եզրերին, այգիներում, աղբոտում է ցանքերը (դաշտային կոտեմ): ՀՀ գրեթե բոլոր մարզերում մշակության մեջ տարածված է մշակովի կոտեմը: Ցանում են աշնանը (սեպտեմբեր-հոկտեմբեր) և վաղ գարնանը:
Ամենատարածված գերվաղահաս տերևաբանջարներից է: Մշակվում է բաց դաշտում և ջերմատներում: 
Ցողունը կանգուն է, ուղիղ կամ ճյուղավորվող, բարձրությունը՝ 10–60 (150) սմ: Տերևները երկարավուն են, ամբողջական կամ փետրաբաժան: Ծաղկաբույլը խիտ ողկույզ է, ծաղիկները՝ մանր, սպիտակ: Ծաղկում է մայիս-հունիսին: Պտուղը կլոր-ձվաձև, երկփեղկ պատիճ է: Սերմերը մանր են, բաց կարմրադարչնագույն:
Մեղրատու է: Սերմերը պարունակում են գլիկոզիդներ, հանքային աղեր, յոդ, երկաթ, եթերայուղ, C վիտամին, կարոտին (A-նախավիտամին): Որոշ տեսակներ (օրինակ` խմրուկ բանջարը) թունավոր են: 
Օգտագործվում է բացառապես թարմ վիճակում: