Այբուբեն
099999ԳՅ
099999ԴՆ
199999ԵՇ
and 199999ԶՈ
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
Արագ Որոնում


1901 թ., Վյուրցբուրգ, Գերմանիա
 1976 թ., Մյունխեն, Գերմանիա

Գերմանացի ֆիզիկոս Վեռներ Հայզենբերգը միկրոաշխարհի օրինաչափությունները նկարագրող ֆիզիկայի բաժնի՝ քվանտային մեխանիկայի հիմնադիրներից է, Նոբելյան մրցանակի դափնեկիր:
Հայզենբերգը 1923 թ-ին ավարտել է Մյունխենի, 1924 թ-ին՝ Գյոթինգենի համալսարանները: 1927–41 թթ-ին եղել է Լայպցիգի և Բեռլինի համալսարանների տեսական ֆիզիկայի պրոֆեսոր, 1941 թ-ից՝ Բեռլինի և Գյոթինգենի, 1955 թ-ից՝ Մյունխենի ֆիզիկայի ինստիտուտների տնօրեն և պրոֆեսոր:
1925 թ-ին Հայզենբերգը մշակել է մատրիցային մեխանիկան՝ քվանտային մեխանիկայի առաջին տարբերակը, որի համար 1932 թ-ին արժանացել է Նոբելյան մրցանակի: Նա կատարել է հելիումի ատոմի քվանտամեխանիկական հաշվարկը, ցույց տվել 2 տարբեր վիճակներում այդ ատոմի գոյության հնարավորությունը:
1927 թ-ին ձևակերպել է քվանտային մեխանիկայի հիմնական՝ անորոշության սկզբունքը, ըստ որի՝ միկրոմասնիկի կոորդինատները և համապատասխան իմպուլսները չեն կարող ճշգրիտ արժեքներ ունենալ միաժամանակ: Այս սկզբունքը սահմանափակում է միկրոմասնիկների (որոնք ունեն ալիքային հատկություններ) նկատմամբ դասական մեխանիկայի հասկացությունների ու պատկերացումների կիրառումը: Հայզենբերգը մշակել է ֆեռոմագնիսական նյութերի ինքնակամ մագնիսացման տեսությունը: Նա աշխատանքներ ունի նաև ատոմի միջուկի կառուցվածքի, ռելյատիվիստական (հարաբերականության տեսության օրենքներին ենթարկվող) քվանտային մեխանիկայի, դաշտի միասնական տեսության վերաբերյալ: Գիտնականի բազմաթիվ աշխատանքներ նվիրված են ֆիզիկայի փիլիսոփայական հիմնախնդիրներին: Հայզենբերգը բազմաթիվ երկրների գիտությունների ակադեմիաների պատվավոր անդամ էր: