Այբուբեն
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
099999ԳՅ
099999ԴՆ
199999ԵՇ
and 199999ԶՈ
Արագ Որոնում


Ձավարեղենը հացահատիկային բույսերի՝ ցորենի, հաճարի, գարու, վարսակի, կորեկի, բրնձի, եգիպտացորենի, հնդկացորենի հատիկներից պատրաստված սննդամթերք է, կիսապատրաստուկ:
Հայաստանում ձավար պատրաստում են հիմնականում ցորենից և հաճարից, երբեմն` նաև գարուց՝ սանդում ծեծելու միջոցով հատիկների վրայի թեփը հանելու եղանակով: Ցորենի ձավարի տեսակներն են հում ձավարը (կորկոտ), աղացած հում ձավարը, խաշած և աղացած ձավարը (բլղուր):
Ձավարն արժեքավոր սննդանյութ է, լավ է յուրացվում և ունի բարձր կալորիականություն: Ձավարն ածխաջրերի (հիմնականում՝ օսլայի) և բուսական սպիտակուցների աղբյուր է, պարունակում է քիչ քանակությամբ վիտամիններ ու հանքային աղեր: Ձավարից պատրաստում են շիլաներ, ապուրներ, փլավ, պասուց տոլմա, հարիսա, աղանձ, հատիկ և այլն:
Ներկայումս`  ձավարեղենի զարգացած արդյունաբերական արտադրության պայմաններում, տնայնագործական եղանակով ձավարեղեն քիչ են պատրաստում:
   Հայկական լեռնաշխարհում ձավար պատրաստել են դեռևս էնեոլիթյան-բրոնզեդարյան ժամանակաշրջանում. Շենգավիթից և այլ հնավայրերից հայտնաբերվել են ձավար ծեծելու սանդեր ու վարսանդներ: