Այբուբեն
" and9999999999ԸՉ
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
and(9999 99999ԵՆ
and(9999/99999ԶՇ
" and9999999999ԷՈ
Արագ Որոնում


Ձեթ ստանում են տարբեր բույսերի սերմերից:
Ձեթերը վաճառվում են տարբեր ձևի ու ծավալի տարողություններով:
Ձեթերը ձիթատու բույսերի սերմերից ու պտուղներից ստացվող ճարպեր են (մինչև 95–97%): Նրանք պարունակում են նաև ազատ ճարպաթթուներ, ֆոսֆատիդներ, վիտամիններ, քիչ քանակությամբ՝ գունանյութեր, իսկ որոշ ձեթեր՝ նաև աղաղանյութեր, ալկալոիդներ, գլիկոզիդներ, եթերայուղեր և այլն: Ձեթերի հոտը, համը, գույնը, բուժիչ (երբեմն՝ նաև թունավոր) հատկությունները պայմանավորված են այդ խառնուրդների առկայությամբ: Ձեթերում պարունակվող ճարպերը սովորաբար մոլեկուլում զույգ թվով (առավել հաճախ՝ 16 կամ 18) ածխածնի ատոմներ պարունակող հագեցած կամ չհագեցած (մեկ կամ մի քանի կրկնակի կապով) միահիմն ճարպաթթուների գլիցերինային միացություններն են` գլիցերիդները: Ձեթերն անվանում են նաև բուսական յուղեր: Դրանք ջրից թեթև են և ջրում չեն լուծվում:
Սովորական պայմաններում ձեթերը մեծ մասամբ հեղուկներ են. պինդ են միայն արևադարձային մի քանի բույսերի պտուղներից (կոկոս, արմավ) ստացվողները: Որոշ պինդ ձեթերի անվանում են յուղեր (օրինակ՝ կակաոյի, կոկոսի  և այլն): 
Ձեթերի ջրածնավորմամբ ստացվում է պինդ ճարպ՝ մարգարին: Ձեթերի մեծ մասն օդում թաղանթապատվում է, մակերևութային շերտը՝ պոլիմերվում (կոչվում է օքսիդացնող պոլիմերում):
Ձեթերը բարձր կալորիականությամբ սննդանյութեր են: Ի տարբերություն կենդանական ճարպերի՝ ձեթերը խոլեստերին չեն պարունակում:
Ձեթերն ստանում են արևածաղկի, բամբակի, սոյայի, մանանեխի, եգիպտացորենի, կտավատի, կանեփի, ձիթենու, տզկանեփի, գետնընկույզի, խաղողի և այլ ձիթատու բույսերի սերմերից ու պտուղներից: Անկախ ստացման եղանակից՝ ձեթերը մաքրում են, և, ըստ մաքրման աստիճանի, սննդի մեջ օգտագործվողները լինում են հում, չզտված և զտված: Հում ձեթերը մաքրվում են քամելով և կենսաբանորեն ամենալիարժեքն են: Չզտված ձեթերը մաքրվում են մասնակիորեն. թողնում են պարզվելու, քամում են, հիդրատացնում և չեզոքացնում: Զտված ձեթերը պարզեցումից և քամելուց հետո ցենտրիֆուգվում են, հիդրատացվում, ապա մաքրվում, զտվում և հոտազրկվում, դառնում են թափանցիկ, անհամ և գրեթե լիովին կորցնում են կենսաբանական ակտիվությունը:
Ձեթերն օգտագործվում են որպես սննդանյութ, նաև պահածոներ, հրուշակեղեն պատրաստելու համար: Նրանցից ստանում են օճառ, օլիֆներ, ճարպաթթուներ, գլիցերին, լաքեր և այլն: Որոշ զտված ձեթեր (կտավատի, կանեփի և այլն) օգտագործվում են գեղանկարչական յուղաներկեր և տեմպերա (ներկի տեսակ) պատրաստելու, դանդաղ չորացողները (արևածաղկի, սոյայի)՝ կտավի և ներկապնակի վրա ներկի չորացումը դանդաղեցնելու նպատակով: Բժշկության մեջ ձեթերից (գերչակի, նշի, ձիթապտղի, արևածաղկի, կտավատի, կակաոյի) պատրաստում են էմուլսիաներ, քսուքներ: Ձեթերը բազմաթիվ օծանելիքների հիմնական բաղադրամասն են: