Այբուբեն
"/*--9999999999ԷՇ
-09999999999ԸՈ
-09999999999ԹՉ
/*--*9999999999ԺՊ
/*--*9999999999ԻՋ
09999999999ԼՌ
09999999999ԽՍ
099999conveԾՎ
099999s3ԿՏ
and 099999s3ՀՐ
and 199999ԱՁՑ
and(199999ԲՂՈւ
and(9999 99999ԳՃՓ
" and9999/99999ԴՄՔ
" and9999999999ԵՅՕ
"/*--9999999999ԶՆՖ
Արագ Որոնում


Պետական կարգը՝ 
հանրապետություն
Մայրաքաղաքը՝ 
Անտանանարիվու
Տարածքը՝  
587 հզ. կմ2
Բնակչությունը՝ 
19,1 մլն
Պետական լեզուները՝ 
մալգաշերեն, 
ֆրանսերեն
Դրամական միավորը՝ 
արիարի
Լեմուրները Մադագասկարի բնաշխարհիկներից են:
Մադագասկարի Հանրապետություն
Մադագասկար պետությունը գտնվում է Հնդկական օվկիանոսի արևմտյան մասում` Մադագասկար կղզու և հարակից կղզիների վրա: Այն Աֆրիկա մայրցամաքից բաժանվում է Մոզամբիկի նեղուցով: Կղզու մեծ՝ արևելյան մասը լեռնային է, առավելագույն բարձրությունը՝ 2876մ (Մարուտանանա լեռ), իսկ արևմտյան ափերին տարածվում են դաշտավայրերը: Կլիման հյուսիսում մերձհասարակածային է, հարավում՝ արևադարձային: Գետերը ջրառատ են, սահանքավոր: Կղզու արևելյան խոնավ շրջաններում տարածված են մշտադալար անտառները, արևմուտքում՝ սավաննաները և չոր տափաստանները: Մայրցամաքից վաղ մեկուսացման պատճառով կղզում շատ են բուսական (էբենոս, սանդալենի) և կենդանական (լեմուրներ, միջատակեր տենրեկներ)  բնաշխարհիկները: Աֆրիկա մայրցամաքին բնորոշ շատ կենդանիներ Մադագասկարում չեն հանդիպում: 
Կղզու առաջին բնակիչները եղել են ինդոնեզացիները, պոլինեզացիները, ավելի ուշ՝ բանտու ցեղերը և արաբները: 
XIV դարում Մադագասկարի կենտրոնում կազմավորվել է Իմերինա պետությունը, XVI–XVII դարերում՝ ևս մի շարք փոքր պետություններ, որոնք XIX դարում միավորվել են կենտրոնացած պետության՝ Մալգաշական թագավորության մեջ: Դեռևս XVI դարից կղզում տիրապետություն հաստատելու համար պայքարել են պորտուգալացիները, անգլիացիները, ֆրանսիացիները: 1883թ-ից կղզին եղել է ֆրանսիական գաղութ: Անկախություն է ձեռք բերել 1960 թ-ին:
Ներկայումս բնակչության 99 %-ը մալգաշներ են: 
Խոշոր քաղաքներն են Անտանանարիվուն, Ֆիանարանցուան, Տուամասինան, Անցիրաբեն:
Մադագասկարի մայրաքաղաք Անտանանարիվուն
    Երկրի տնտեսության հիմքը գյուղատնտեսությունն է: Մշակում են բրինձ, բամբակենի, սրճենի, մանիոկ, սորգո, բատատ, համեմունքային բույսեր և այլն: Անասնապահությունը թույլ է զարգացած: Կան պահածոների, շաքարի, ծխախոտի արտադրության ձեռնարկություններ: Զբաղվում են նաև ձկնորսությամբ:
Զարգացած են փայտե, հյուսածո իրերի պատրաստումը, ջուլհակությունը: