Այբուբեն
099999ԶՉ
199999ԷՊ
199999ԸՋ
and 9999 99999ԹՌ
and 9999/99999ԺՍ
and(9999999999ԻՎ
and(9999999999ԼՏ
" and9999999999ԽՐ
" and9999999999ԾՑ
"/*--9999999999ԿՈւ
"/*--9999999999ՀՓ
-099999conveՁՔ
-099999s3ՂՕ
/*--*99999s3ՃՖ
/*--*99999ԱՄ
099999ԲՅ
099999ԳՆ
099999ԴՇ
099999ԵՈ
Արագ Որոնում


Միդիաներ
Սովորական ոստրե
Ոստրեներ
Միդիաները և ոստրեները երկփեղկ փափկամարմինների դասի կենդանիներ են: Որոշ տեսակներ ապրում են գետերում և լճերում, մեծամասնությունը՝ ծովերում:
Այս փափկամարմինների խեցու 2 փեղկերը միմյանց միացած են առաձգական կապանով (լիգամենտով):
Միդիաների խեցին սեպաձև է, հարթ՝ մուգ կամ դեղնականաչավուն երանգներով: Շատ հայտնի ուտելի միդիայի խեցին սև է, փայլուն: Հնագույն ժամանակներից մարդիկ միդիան օգտագործել են սննդի մեջ (համարվել է «աղքատների ոստրե»), քանի որ համային հատկանիշներով զիջում է իսկական ոստրեին: Ներկայումս այն բազմացվում է հատուկ ծովային տնտեսություններում: Երբեմն տեղատվության ժամանակ միդիաները մնում են ափին և առանց ջրի երկար չեն դիմանում: Միդիաներն ամուր թելիկների (բիսուս) միջոցով կպչում են ջրի հատակի քարերին, ինչը հնարավորություն է տալիս մակընթացության ժամանակ դիմանալ ալիքների ուժին: 
Ոստրեների խեցին տափակ է, անկանոն կլոր: Անշարժ են, խեցու ստորին փեղկով կպչում են հիմնանյութին: Շատ տեսակներ դիմանում են տեղատվության ժամանակ հնարավոր չորացմանը: 
Ոստրեների որոշ տեսակներ օգտագործվում են սննդի մեջ. օրինակ՝ եվրոպական ոստրեն ճանաչված է որպես նրբախորտիկ և բազմացվում է ծովային տնտեսություններում: Ինչպես մյուս երկփեղկ փափկամարմինները, միդիաներն ու ոստրեները նույնպես սնվում են պլանկտոնով: Երբ սիֆոնային խողովակով ջուրն անցնում է նրանց թիկնոցային խոռոչի մեջ, պլանկտոնը զատվում է ջրից և ծառայում որպես կեր, իսկ ջուրն արտատար սիֆոնով դուրս է գալիս: Միաժամանակ փափկամարմինները շնչում են ջրում լուծված թթվածինը: