Այբուբեն
and(9999 99999ԵՆ
and(9999/99999ԶՇ
" and9999999999ԷՈ
" and9999999999ԸՉ
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
Արագ Որոնում


Պետական կարգը՝ 
հանրապետություն
Մայրաքաղաքը՝ 
Մապուտու
Տարածքը՝ 
802 հզ. կմ2
Բնակչությունը՝ 
20,5 մլն
Պետական լեզուն՝ 
պորտուգալերեն
Դրամական միավորը՝ 
մետիկալ
Մոզամբիկի Հանրապետություն
Մոզամբիկը պետություն է Աֆրիկայի հարավ-արևելքում: Բրիտանական համագործակցության անդամ է: Արևելյան ափերը ողողվում են Հնդկական օվկիանոսի ջրերով: Ափագծի ընդհանուր երկարությունը 3 հզ. կմ է: Հյուսիսային ափերը բարձրադիր են, ժայռոտ ու զառիթափ, հարավայինը՝ ցածրադիր, տեղ-տեղ՝ ճահճոտ: Ծովափի երկայնքով ձգվում են բուստային խութեր, որոնք դժվարացնում են նավարկությունը: Երկրի արևմուտքում Ինյանգա սանդղափուլի գագաթներն են (ամենաբարձր կետը` 2436 մ, Բինգա լեռ), արևելքում Մոզամբիկի դաշտավայրն է, հարավում՝ Լեբոմբո լեռները: Ընդերքում կան քարածխի, ուրանի, երկաթի, փայլարի, ոսկու, ասբեստի, նիոբիումի պաշարներ:
Կլիման հյուսիսում մերձհասարակածային է, հարավում՝ արևադարձային: Խոշոր գետերն են Զամբեզին, Լիմպոպոն, Սավին, Ռուվուման: Մոզամբիկի սահմաններում են Նյասա և Շիրվա լճերի արևելյան ափերը: 
Տարածված են սավաննաները, գետահովիտներում՝ մշտադալար անտառները: Կենդանական աշխարհը հարուստ է ու բազմազան. կան աֆրիկական փիղ, վագերաձի, ռնգեղջյուր, առյուծ, ընձառյուծ, բորենի, օձեր, թռչուններ և այլն: Հայտնի է Գորոնգուլա արգելոցը:
XVI դարում Մոզամբիկ են ներխուժել պորտուգալացիները և գաղութացրել այն: Երկիրն անկախություն է ձեռք բերել 1975 թ-ին: 
Բնակչության 98 %-ը բանտու լեզվաընտանիքի ժողովուրդներ են:
Խոշոր քաղաքներն են Մապուտուն, Բեյրան, Կելիմանեն: 
Մոզամբիկը գյուղատնտեսական երկիր է: Մշակում են շաքարեղեգ, թեյ, սիզալ, բամբակենի, բրինձ, մանիոկ, կոկոսյան արմավենի, գետնանուշ և այլն: Անասնապահության զարգացումը խոչընդոտում է ցեցե ճանճը:
Զարգացած են արդյունաբերության հանքարդյունահանող (քարածուխ, բոքսիտներ, ոսկի, արծաթ) և վերամշակող (գյուղատնտեսական հումքի) ճյուղերը: Կան բամբակազտիչ, փայտամշակման, կահույքի արտադրական ձեռնարկություններ:
Մոզամբիկում բնակվում են շիվահյուս և կավով բոլորածեփ, խոտածածկ, հարդածածկ, եղեգնածածկ խրճիթներում:
Արհեստներից առավել տարածված են փայտի քանդակազարդումը, շիվերով հյուսումը, կալեբասների՝ կալեբասի ծառի պտուղներից կամ դդումից անոթների պատրաստումը: