Այբուբեն
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
099999ԳՅ
099999ԴՆ
199999ԵՇ
and 199999ԶՈ
Արագ Որոնում


Պետական կարգը՝ 
հանրապետություն
Մայրաքաղաքը՝ 
Լյուբլյանա
Տարածքը՝ 
20,253 հզ. կմ2
Բնակչությունը՝
 2,01 մլն 
Պետական լեզուն՝ 
սլովեներեն
Դրամական միավորը՝
եվրո (մինչև 2007 թ.՝
 սլովենյան տոլար)
Սլովենիայի մայրաքաղաք Լյուբլյանան
Սլովենիայի Հանրապետություն
Սլովենիան պետություն է Արևելյան Եվրոպայում: Այն առանձնացել է 1992թ-ին, երբ Հարավսլավիան տրոհվեց ինքնիշխան պետությունների: 
Երկրի մակերևույթը լեռնային է, հյուսիս-արևմուտքում և հյուսիսում ձգվում են Արևելյան Ալպերի (առավելագույն բարձրությունը՝ 2863 մ, Տրիգլավ լեռ), հարավում՝ Դինարյան լեռների ճյուղավորությունները: 
Ընդերքում կան գորշ ածխի, ծարիրի, սնդիկի, բոքսիտների պաշարներ: 
Կլիման բարեխառն է, ծովափին՝ մերձարևադարձային միջերկրածովային: Խոշոր գետերն են Սավան և Դրավան, կան կարստային լճեր: Տարածքի 40 %-ն զբաղեցնում են սաղարթավոր ու ասեղնատերև անտառները: 
Երկրի ներքին շրջանները, մինչև 700–800 մ բարձրությունները, ծածկված են տափաստանային բուսականությամբ, 800–2000 մ բարձրությունները՝ լայնատերև ու ասեղնատերև անտառներով, ավելի բարձր՝ մարգագետիններով:
Կենդանիներից կան եղջերու, քարայծ, վարազ, վայրի կատու, կզաքիս: Կլիմայավարժեցվել է արջը: Շատ են թռչուններն ու սողունները: 
Գետերն ու լճերը հարուստ են ձկներով (ծածան, գայլաձուկ, պերկես):
Սլովենիայի տարածքը սլավոններով բնակեցվել է VI դարից: 623– 658թթ-ին եղել է Սամո պետության մասը, ապա մտել Կարանտանիայի կազմի մեջ: XI–XIII դարերում առաջացել են մի շարք իշխանություններ, որոնք XVI դարից ընկել են Ավստրիայի տիրապետության տակ: 1918թ-ից Սլովենիայի մեծ մասը մտել է Սերբերի, խորվաթների և սլովենների թագավորության մեջ, որը 1929թ-ին կոչվել է Հարավսլավիա: 2-րդ համաշխարհային պատերազմի տարիներին Հարավսլավիան գրավվել է Գերմանիայի և դաշնակիցների կողմից, 1945թ-ին ազատագրվել ԽՍՀՄ զորքերի օգնությամբ և մինչև 1992թ-ը եղել Հարավսլավիայի Ֆեդերատիվ Սոցիալիստական Հանրապետության կազմում:
Սլովենիայի բնակչության 83 %-ը սլովեններ են. կան սերբեր (2 %), խորվաթներ (1,8 %), հունգարներ, ալբանացիներ և այլք: 
Խոշոր քաղաքներն են Լյուբլյանան, Մարիբորը, Ցելյեն:
Զարգացած են արդյունաբերության արդյունահանող, մեքենաշինության, մետաղաձուլության, տեքստիլ, փայտամշակման, սննդի ճյուղերը:
Գյուղատնտեսական նպատակներով օգտագործվում է երկրի տարածքի մոտ 50 %-ը: Մշակում են ցորեն, եգիպտացորեն, վարսակ, կարտոֆիլ, շաքարի ճակնդեղ:
Սլովենիայում պահպանվել են Հաբսբուրգների ժամանակները հիշեցնող միջնադարյան բազմաթիվ տաճարներ և ճարտարապետական այլ կառույցներ:
Տես նաև Սերբիա: