Այբուբեն
and(9999/99999ԶՇ
" and9999999999ԷՈ
" and9999999999ԸՉ
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
and(9999 99999ԵՆ
Արագ Որոնում


Բիզե Ժորժ
1838 թ., Փարիզ
1875 թ., Բուժիվալ, 
Փարիզի մերձակայքում
Կոմպոզիտոր Ժորժ Բիզեի ստեղծագործությունն օպերային ռեալիզմի գագաթնակետն է ֆրանսիական երաժշտության մեջ:

Ժորժ Բիզեն 10 տարեկանում ընդունվել է Փարիզի կոնսերվատորիան, որն ավարտել է 1857 թ-ին, աշակերտել է ժամանակի հայտնի երաժիշտներին: 1857 թ-ին «Կլովիս և Կլոտիլդա» կանտատի համար արժանացել է հռոմեական Մեծ մրցանակի և 3 տարի ապրել Իտալիայում: 1860 թ-ից Բիզեն ապրել է Փարիզում: Առավել նշանավոր են երաժշտական թատրոնի համար գրած նրա
Տեսարան Ժ. Բիզեի «Կարմեն» օպերայի բեմադրությունից (1985 թ., Երևանի օպերայի և բալետի թատրոն)
երկերը: 
Բիզեն գրել է մոտ 20 օպերա (մի քանիսը՝ անավարտ)՝ «Դոն Պրոկոպիո», «Իվան Ահեղ» և այլն, 3 օպերետ: «Դոկտոր Միրաքլ» օպերետը 1857 թ-ին կոմպոզիտոր Ժակ Օֆենբախի կազմակերպած մրցույթում արժանացել է մրցանակի: Առաջին իսկ օպերաներում («Մարգարիտ որոնողները», «Պերտի գեղեցկուհին») կոմպոզիտորը զարգացրել է ֆրանսիական քնարական օպերայի ավանդույթները, հասել կյանքի ճշմարտացի վերարտադրման: Ռեալիստական միտումներն ավելի ցայտուն են արտահայտվել նրա՝ մեկ գործողությամբ «Ջամիլե» օպերայում և Ալֆոնս Դոդեի «Առլեզիանուհին» դրամայի համար գրած երաժշտության մեջ: Բիզեն գրել է նաև սիմֆոնիա (Դո-մաժոր, «Հռոմ»), «Վասկո դա Գամա» սիմֆոնիա-կանտատը, «Փոքր նվագախմբային սյուիտը», «Հայրենիք» դրամատիկական նախերգանքը, դաշնամուրային պիեսներ, կանտատներ, երգեր:
   Դեռևս 1880 թ-ին Պյոտր Չայկովսկին կանխատեսել է, որ Բիզեի «Կարմենը» միշտ կմնա աշխարհում ամենաճանաչված ու ամենասիրված օպերան:
   «Կարմեն» օպերան Հայաստանում առաջին անգամ բեմադրվել է 1924 թ-ին Լենինականի օպերա-օպերետային, 1934 թ-ին՝ Երևանի օպերայի և բալետի թատրոններում:
   Բիզեի «Կարմեն» օպերան (ըստ Պրոսպեր Մերիմեի համանուն նովելի) XIX դարի ռեալիստական օպերային արվեստի գլուխգործոցներից է. նրա երաժշտությունը հագեցած է զորեղ դրամատիզմով, արտահայտիչ մեղեդայնությամբ, հստակ գործիքավորումով: 
   «Կարմենն» առաջին անգամ բեմադրվել է 1875 թ-ին Փարիզի «Օպերա Կոմիկ»,  1870-ական թվականների վերջին՝ աշխարհի բոլոր լավագույն օպերային թատրոններում: