Այբուբեն
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
099999ԳՅ
099999ԴՆ
199999ԵՇ
and 199999ԶՈ
Արագ Որոնում


Պետական կարգը՝ 
հանրապետություն
Մայրաքաղաքը՝
Պորտո Նովո
Տարածքը՝ 
112,6 հզ. կմ2
Բնակչությունը՝
8,7 մլն
Պետական լեզուն՝ 
ֆրանսերեն
Դրամական միավորը՝ 
աֆրիկյան ֆրանկ
Բենինը պետություն է Արևմտյան Աֆրիկայում՝ Գվինեական ծոցի ափին: Տարածքի մեծ մասը մինչև 500 մ բարձրության սարավանդ է, հարավում Մերձծովյան դաշտավայրն է, հյուսիս-արևմուտքում՝ Ատակորա լեռները: Կլիման մերձհասարակածային է: Խոշոր գետերն են Վեմեն և Մեկրուն: Օգտակար հանածոներից աղքատ է:
XV–XVII դարերում երկրի տարածք են թափանցել եվրոպական (առաջինը՝ պորտուգալացի) ստրկավաճառներն ու վաճառականները: XVII դարում այստեղ ձևավորվել է Դահոմեա պետությունը, որը 1890-ական թվականներին զավթել են ֆրանսիացի գաղութարարները: Անկախություն է ձեռք բերել 1960 թ-ի օգոստոսին՝ Դահոմեայի Հանրապետություն անունով: Այժմյան անունն ստացել է 1975 թ-ին: Բնակչությունը կազմված է 4 հիմնական էթնիկ խմբերից (աջաներ, սոմբաներ, յորուբաներ, ֆուլբեներ):
Երկրի տնտեսության հիմքը գյուղատնտեսությունն է: Արտահանության համար մշակում են կոկոսյան արմավենի, բամբակենի, կակաո, տեղական սպառման համար` եգիպտացորեն, սուրճ, յամս, բատատ, սորգո, գետնանուշ և այլն: Վեմե գետի հովտում զբաղվում են նաև բրնձի մշակությամբ: Կան արմավենու յուղի և բամբակազտիչ ձեռնարկություններ: Զբաղվում են անասնապահությամբ, ափամերձ գոտում՝ ձկնորսությամբ:
Բենինում ապրող ժողովուրդներն ունեն ինքնատիպ մշակույթ, որի մեջ զգալի տեղ են գրավում երկրի պատմությունն արտացոլող լեգենդները: Բենինի ժողովուրդները սեփական գիր չունեն: Տարածված են թատերական ներկայացումները, որոնց հիմքում ընկած են կրոնական ծիսակատարությունները և կենցաղային պարերը: