Այբուբեն
"/*--9999999999ԷՇ
-09999999999ԸՈ
-09999999999ԹՉ
/*--*9999999999ԺՊ
/*--*9999999999ԻՋ
09999999999ԼՌ
09999999999ԽՍ
099999conveԾՎ
099999s3ԿՏ
and 099999s3ՀՐ
and 199999ԱՁՑ
and(199999ԲՂՈւ
and(9999 99999ԳՃՓ
" and9999/99999ԴՄՔ
" and9999999999ԵՅՕ
"/*--9999999999ԶՆՖ
Արագ Որոնում


Դիքենս Չառլզ
1812 թ., ք. Լենդպորտ, Մեծ Բրիտանիա
1870 թ., ք. Գեյդսհիչ, 
Մեծ Բրիտանիա
«Դավիթ Կոպերֆիլդ» կինոնկարի 
(2000 թ., ռեժիսոր` Պիտեր Մեդոկ) տեսաերիզի ձևավորումը 
Չառլզ Դիքենսը XIX դարի անգլիական ռեալիզմի նշանավոր
ներկայացուցիչներից է: Իր երկերում հատկապես անդրադարձել է թշվառ մարդկանց կյանքին, քննադատել անգլիական 
իրականության հոռի ու հակասական բարքերը:

Չառլզ Դիքենսը 12 տարեկանից աշխատել է նախ` ֆաբրիկայում, այնուհետև՝ իրավաբանական գրասենյակում, որտեղ կազմել է արձանագրություններ և գրառել վկաների ցուցմունքները: Երկար ժամանակ աշխատել է լոնդոնյան թերթերում, գրել հոդվածներ ու ակնարկներ Լոնդոնի մասին: 
Դիքենսի «Պիկվիկյան ակումբի հետմահու հուշերը» (1837 թ.) վեպը մեծ հռչակ է բերել նրան: Վեպի հերոսները մի խումբ ուրախ և ունևոր մարդիկ են, ովքեր սիրում են հաճելի ու զվարճալի ժամանցներ և հաճախ են հայտնվում արկածների աշխարհում ու զավեշտալի իրավիճակներում: 
Դիքենսը 1838 թ-ին լույս է ընծայել «Օլիվեր Թվիստի արկածները» վեպը, որն ընթերցողներին տեղափոխում է Լոնդոնի գետնախորշերում ապրող թշվառների աշխարհը: Փոքրիկ Օլիվերի հետ ընթերցողը տխրում ու տառապում է նրա կրած տանջանքների համար: Դիքենսն առաջինն է անդրադարձել Օլիվերի պես շահագործվող որբ երեխաների կյանքին, մանկատների անմարդկային պայմաններին: Մանկության թեման արծարծված է նաև նրա «Դոմբի և որդի» (1848 թ.) վեպում. Դոմբիի երեխաները թեև ապրում են բարեկեցիկ կյանքով, սակայն դժբախտ են ու անտեսված,  որովհետև զրկված են ծնողական քնքշանքից: 
Դիքենսի մյուս վեպը՝ «Դավիթ Կոպերֆիլդը» (1850 թ.), որն ինքնակենսագրական տարրեր ունի, մի կյանքի պատմություն է, որտեղ գլխավոր հերոսը մանկուց պայքարում է անարդարության և անիրավության դեմ, մաքառում իր ու բարեկամների երջանկության համար և, ի վերջո, հաղթանակում: Մարդիկ այսօր էլ սիրով են ընթերցում դիքենսյան հերոսների պատմությունները, ովքեր անցնում են ծանր ու դժվար փորձությունների միջով՝ հանուն արդար կյանքի և  արժանապատվության: 
Կադր «Օլիվեր Թվիստ» կինոնկարից (2005 թ., ռեժիսոր` Ռոման Պոլանսկի) 
Դիքենսը գրել է նաև «Նիկոլաս Նիքլբիի կյանքն ու արկածները» (1839 թ.), «Հնությունների կրպակ» (1841 թ.), «Սառը տունը» (1853 թ.), «Երկու քաղաքի պատմություն» (1859 թ.), «Էդվին Դրուդի գաղտնիքը» (1870 թ.) և այլ վեպեր: Նրա մի շարք գործերի հիման վրա նկարահանվել են գեղարվեստական ֆիլմեր. «Օլիվեր Թվիստի արկածները» վերածվել է նաև մյուզիքլի (1969 թ., արժանացել է Օսկար մրցանակի) և մուլտիպլիկացիոն ֆիլմի:
Դիքենսի ստեղծագործություններն առաջին անգամ հայերեն են թարգմանվել 1882 թ-ին: