Այբուբեն
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
099999ԳՅ
099999ԴՆ
199999ԵՇ
and 199999ԶՈ
Արագ Որոնում


Դոլուխանովա Զարա
1918 թ., Մոսկվա
2007 թ., Մոսկվա
Երգչուհի, ՀՀ, ՌԴ և ԽՍՀՄ ժողովրդական արտիստ, ԽՍՀՄ  
Պետական և Լենինյան մրցանակների դափնեկիր Զարա 
Դոլուխանովան դասական երգարվեստի ճանաչված վարպետներից է: Նրա ձայնն առանձնանում էր կոլորատուրային մեցցո-սոպրանոյի հազվագյուտ գեղեցիկ տեմբրով և լայն ձայնածավալով:

Զարա Դոլուխանովան (Դոլուխանյան Զարուհի, օրիորդական ազգանունը՝ Մակարյան) 1933 թ-ին ավարտել է Մոսկվայի Գնեսինների անվան երաժշտական ուսումնարանը, 1957 թ-ին՝ Գնեսինների անվան երաժշտական մանկավարժական ինստիտուտը (այժմ՝ Ռուսաստանի երաժշտական ակադեմիա): 1941–44 թթ-ին Երևանի օպերայի և բալետի թատրոնի մեներգչուհի էր. լավագույն դերերգերից են՝ Օլգա (Պյոտր Չայկովսկու «Եվգենի Օնեգին»), Գայանե (Ալեքսանդր Սպենդիարյանի «Ալմաստ»), Զիբել (Շառլ Գունոյի «Ֆաուստ»), Դունյաշա (Նիկոլայ Ռիմսկի-Կորսակովի «Թագավորի հարսնացուն»): 1944 թ-ից Դոլուխանովան ապրել է Մոսկվայում. ծավալել է համերգային գործունեություն: Համամիութենական ռադիոյի և հեռուստատեսության, 1959 թ-ից Մոսկվայի ֆիլհարմոնիայի մենակատարուհի էր: 1949 թ-ին Բուդապեշտի` երգիչների միջազգային մրցույթում արժանացել է 1-ին մրցանակի: 
Դոլուխանովան ձայնային փայլուն տվյալների շնորհիվ կատարել է ինչպես տեխնիկական ազատություն և ձայնի հատուկ ճկունություն պահանջող (Ռոզինայի դերերգը Ջոակինո Ռոսսինիի «Սևիլյան սափրիչ» օպերայից, «Նեապոլյան տարանտելլան», Վոլֆգանգ Մոցարտի «Ալելուիան»), այնպես էլ լայնաշունչ մեղեդայնությամբ և ներքին դրամատիզմով առանձնացող (Տոսկայի դերերգը Ջակոմո Պուչչինիի «Տոսկա», Դալիլայի դերերգը Կամիլ Սեն-Սանսի «Սամսոն և Դալիլա» օպերաներից, նաև Սերգեյ Ռախմանինովի, Պյոտր Չայկովսկու ռոմանսներից) երաժշտական գործեր: 
Դոլուխանովայի երգացանկում էին Կոմիտասի, Ալեքսանդր Սպենդիարյանի, Ռոմանոս Մելիքյանի, Արամ Խաչատրյանի, Ալեքսանդր Հարությունյանի, Միքայել Թարիվերդիևի և ուրիշների ստեղծագործություններից, նաև ժողովրդական երգեր: Համերգներով շրջագայել է ԱՄՆ-ում, Կանադայում և եվրոպական բազմաթիվ երկրներում: