Այբուբեն
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
and(9999 99999ԵՆ
and(9999/99999ԶՇ
" and9999999999ԷՈ
" and9999999999ԸՉ
Արագ Որոնում


Դովլաթյան Ֆրունզե
1927 թ., Նոր Բայազետ (այժմ՝ Գավառ)
1997 թ., Երևան 
Կադրեր «Բարև, ես եմ» (1965 թ.) և «Մենավոր ընկուզենի» (1986 թ.) կինոնկարներից 
(ռեժիսոր` Ֆ. Դովլաթյան)
Կինոռեժիսոր, ՀՀ և ԽՍՀՄ ժողովրդական արտիստ, Պետական մրցանակների դափնեկիր, Լեհաստանի արվեստի վաստակավոր գործիչ Ֆրունզե Դովլաթյանը հայ կինոյի զարգացման 
նոր փուլի սկզբնավորողներից է:

Ֆրունզե Դովլաթյանը 1960 թ-ին ավարտել է Մոսկվայի կինեմատոգրաֆիայի ինստիտուտը: 1966–69 թթ-ին եղել է Հայաստանի կինեմատոգրաֆիստների միության առաջին քարտուղարը, 1969–86 թթ-ին՝ քարտուղարը, 1986–97 թթ-ին՝ Հայֆիլմի գեղարվեստական ղեկավարը: 1981– 1997 թթ-ին դասավանդել է Հայկական պետական մանկավարժական ինստիտուտում (այժմ` համալսարան): 
Դովլաթյանը 1944 թ-ից նկարահանվել է կինոյում. լավագույն դերերից են՝ Մելիք Մանսուր («Դավիթ Բեկ», 1944 թ.), Վաչագան («Անահիտ», 1947 թ.), Մանուկյան («Ինչո՞ւ է աղմկում գետը», 1958 թ.), Հայկ («Սարոյան եղբայրներ», 1968 թ., նաև գեղարվեստական ղեկավարն է), Ասլանյան («Օտար խաղեր», 1986 թ.) և այլն: Դովլաթյանը 1965 թ-ին Հայֆիլմում նկարահանել է «Բարև, ես եմ» կինոնկարը, որով նշանավորվել է հայ կինոյի զարգացման նոր փուլը:
Ֆ. Դովլաթյանը (աջից) Հայկի դերում` 
«Սարոյան եղբայրներ» կինոնկարում
Լավագույններից են նաև «Երևանյան օրերի խրոնիկա» (1973 թ.), «Երկունք» 
(1977 թ.), «Ապրեցեք երկար» (1979 թ.), «Մենավոր ընկուզենի» (1986 թ., նաև՝ Կամսարյանի դերակատար), «Կարոտ» (1989 թ.) ֆիլմերը, որտեղ նա արծարծել է հասարակական, բարոյաէթիկական խնդիրներ, բացահայտել հերոսների հոգեբանական բարդ իրավիճակները: Նկարահանել է նաև վավերագրական կինոնկարներ, որոնցից հայտնի է «Մխիթարյանները» (1982 թ.):
Դովլաթյանը 1994–97 թթ-ին նաև Հայաստանի Թեքեյան մշակութային միության նախագահն էր: