Այբուբեն
and(9999/99999ԶՇ
" and9999999999ԷՈ
" and9999999999ԸՉ
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
and(9999 99999ԵՆ
Արագ Որոնում


Կիպլինգ Ջոզեֆ Ռեդյարդ
1865 թ., Բոմբեյ, 
Հնդկաստան 
1936 թ., Լոնդոն
Կադրեր «Մաուգլի» մուլտիպլիկացիոն 
կինոնկարից (1967–71 թթ.)
Մաուգլին անգլիացի գրող Ռեդյարդ Կիպլինգի՝ գազանների կյանքին նվիրված «Ջունգլիների գրքի» և «Ջունգլիների երկրորդ գրքի»` 
չարի դեմ պայքարի ու հաղթանակի մասին պատմող 
պատմվածքների շարքի գլխավոր հերոսն է: 

Ռեդյարդ Կիպլինգը երկար տարիներ ապրել է Հնդկաստանում և տեղացիներից լսել բազմաթիվ ավանդազրույցներ գայլերի ոհմակում ապրած հնդիկ մանուկի՝ Մաուգլիի մասին: 
 Մաուգլիի կյանքի պատմությունն սկսվում է հենց այն պահից, երբ մայր գայլ Ռաքշան, գտնելով փոքրիկ տղային, իր ձագուկների հետ խնամում ու սնում է նրան: Մաուգլին դառնում է գայլ-տղա և Ռաքշայի հոգեզավակը: Հայր գայլը Մաուգլիին որսորդություն է սովորեցնում, իսկ Բալու արջը՝ ջունգլիների օրենքը: Մաուգլին սկսում է հասկանալ թռչունների և օձերի «լեզուն», խոտերի և տերևների յուրաքանչյուր շարժման իմաստը, սովորում է հովազի պես ծառ մագլցել, ձկան նման լողալ, կապիկի պես ճյուղից ճյուղ ցատկել: Մացառախիտ անտառում մարդ-Մաուգլին և գազաններն ապրում են արդար օրենքներով, որոնք, սակայն, խախտում է Մաուգլիի ոխերիմ թշնամի շերտավոր վագր Շեր Խանը: Վերջինիս դեմ պայքարում Մաուգլիին օգնում են նրա հավատարիմ բարեկամները՝ գայլ-եղբայրները, իմաստուն Բալու արջը, ջունգլիների սարսափ Բաքհիրա սև հովազը, Աքելլա քաջ գայլը, Քաա վիշապը և այն գեղջկուհին, որը Մաուգլիին ընդունում է ինչպես իր հարազատ որդուն: Նրանց օգնությամբ Մաուգլին հաղթում է չարին և դառնում անտառի ամենաուժեղ բնակիչն ու գազանների առաջնորդը: 
Հեքիաթում Կիպլինգն ընդգծել է մարդու հզորությունը և միասնաբար չարին հաղթելու կարևորությունը: 
Մաուգլիի մասին նկարահանվել են բազմաթիվ մուլտիպլիկացիոն կինոնկարներ, որոնցից առավել հաջողվածներից է «Մաուգլի» սերիալը (1967–71 թթ., ռեժիսոր՝ Ռոման Դավիդով, Սոյուզմուլտֆիլմ):
Կիպլինգ Ջոզեֆ Ռեդյարդը (1865– 1936 թթ.) Նոբելյան մրցանակի դափնեկիր (1907 թ.) է, սովորել է Անգլիայում: 1882 թ-ին վերադարձել է Հնդկաստան: Հրատարակել է «Դեպարտամենտական երգեր» (1886 թ.)՝ բանաստեղծությունների, «Բլուրների անպաճույճ զրույցներ» (1888 թ.) նովելների ժողովածուները: Հռչակվել է «Զորանոցային երգեր» (1892 թ.), «Յոթ ծով» (1896 թ.), «Հինգ ազգ» (1903 թ.) բանաստեղծությունների ժողովածուներով, «Լույսը մարեց» (1890 թ.) և «Կիմ» (1901թ.) վեպերով: Կիպլինգի բանաստեղծությունները ոճով և լեզվամտածողությամբ մոտ են անգլիական ժողովրդական երգերին ու բալլադներին: 
Կիպլինգը երեխաների համար գրել է նաև «Կոտուկո Էսկիմոս տղան», «Իր գլխի տեր կատուն», «Ռիկի-Տիկկի-Տավի», «Փղի ձագը» հեքիաթները, հրատարակել «Պատմվածքներ հենց այնպես» (1888 թ.), «Արտասովոր հեքիաթներ» (1902 թ.) ժողովածուները: