Այբուբեն
"/*--9999999999ԷՇ
-09999999999ԸՈ
-09999999999ԹՉ
/*--*9999999999ԺՊ
/*--*9999999999ԻՋ
09999999999ԼՌ
09999999999ԽՍ
099999conveԾՎ
099999s3ԿՏ
and 099999s3ՀՐ
and 199999ԱՁՑ
and(199999ԲՂՈւ
and(9999 99999ԳՃՓ
" and9999/99999ԴՄՔ
" and9999999999ԵՅՕ
"/*--9999999999ԶՆՖ
Արագ Որոնում


Մելիք-Փաշաև Ալեքսանդր
1905 թ., Թիֆլիս
1964 թ., Մոսկվա
Դիրիժոր, ԽՍՀՄ ժողովրդական արտիստ Ալեքսանդր Մելիք-Փաշաևը 
դիրիժորական կատարյալ տեխնիկայով, ոճի նուրբ զգացողությամբ, 
երկի ինքնատիպ մեկնաբանությամբ օպերային արվեստը հարստացրել է 
բազմապլան և մոնումենտալ ներկայացումներով:

Ալեքսանդր Մելիք-Փաշաևը երաժշտական կրթությունն ստացել է տանը: 1921–31 թթ-ին, ընդհատումներով, եղել է Թիֆլիսի օպերայի և բալետի թատրոնի դաշնակահար, ապա՝ դիրիժոր. ղեկավարել է Վիկտոր Դոլիձեի «Լեյլա», 1924 թ-ին Լենինականի օպերա-օպերետային խմբում` Շառլ Գունոյի «Ֆաուստ», Ժորժ Բիզեի «Կարմեն», Պյոտր Չայկովսկու «Եվգենի Օնեգին» օպերային ներկայացումները: 1928– 1930 թթ-ին սովորել է Լենինգրադի կոնսերվատորիայի դիրիժորական բաժնում (տեսության դասատու՝ Քրիստափոր Քուշնարյան): 
Մելիք-Փաշաևը 1931 թ-ից Մոսկվայի Մեծ թատրոնի դիրիժոր էր, 1953–62 թթ-ին՝ գլխավոր դիրիժորը: Ղեկավարել է ռուս, արևմտաեվրոպական կոմպոզիտորների 50-ից ավելի օպերային ներկայացումներ. լավագույններից են Ջուզեպպե Վերդիի «Աիդան», «Օթելլոն», Ժ. Բիզեի «Կարմենը», Լյուդվիգ վան Բեթհովենի «Ֆիդելիոն», Սերգեյ Պրոկոֆևի «Պատերազմ և խաղաղությունը»: 
Մելիք-Փաշաևի ստեղծագործական նվաճումներից են նաև Միխայիլ Գլինկայի «Իվան Սուսանին», Ալեքսանդր Բորոդինի «Իշխան Իգոր», Պ. Չայկովսկու «Պիկովայա դամա» և «Չերևիչկի», Մոդեստ Մուսորգսկու «Բորիս Գոդունով», Զաքարե Փալիաշվիլու «Աբեսալոմ և Էթերի», Ջոակինո Ռոսսինիի «Վիլհելմ Տել», Ջակոմո Պուչչինիի «Չիո Չիո-սան» օպերային ներկայացումները:
1929 և 1932 թթ-ին՝ սիմֆոնիկ համերգներով, 1958 թ-ին Մեծ թատրոնի խմբի հետ հյուրախաղերով հանդես է եկել Երևանում (ղեկավարել է «Իվան Սուսանին», «Իշխան Իգոր» օպերային ներկայացումները և Բեթհովենի Իններորդ սիմֆոնիան): 
1950–60-ական թվականներին ներկայացումներ է ղեկավարել նաև Պրահայի, Օստրավայի, Լոնդոնի, Բուդապեշտի և այլ քաղաքների օպերային թատրոններում:
Մելիք-Փաշաևը գրել է «Տասներկուերորդ գիշեր» (ըստ Վիլյամ Շեքսպիրի) օպերան, սիմֆոնիա, ռոմանսներ՝ Ալեքսանդր Պուշկինի և Իլյա Էրենբուրգի խոսքերով:
Մելիք-Փաշաևի անունով կոչվել է Արտաշատի երաժշտական դպրոցը:
Մելիք-Փաշաևն արժանացել է ԽՍՀՄ Պետական (1942 և 1943 թթ.), Ֆրանսիայի Մեծ (1953 և 1962 թթ.), Ամերիկայի արվեստների ակադեմիայի (1964 թ.) մրցանակների:

   «Մինչև վերջ տրվել թատրոնին, սովորել անընդհատ և կատարելագործվել մշտապես. կարծում եմ՝ այսպես պետք է ապրի և ստեղծագործի յուրաքանչյուր ազնիվ արվեստագետ, որ նվիրվել է թատերարվեստին»:
Ալեքսանդր Մելիք-Փաշաև