Այբուբեն
099999ԳՆ
099999ԴՇ
099999ԵՈ
099999ԶՉ
199999ԷՊ
199999ԸՋ
and 9999 99999ԹՌ
and 9999/99999ԺՍ
and(9999999999ԻՎ
and(9999999999ԼՏ
" and9999999999ԽՐ
" and9999999999ԾՑ
"/*--9999999999ԿՈւ
"/*--9999999999ՀՓ
-099999conveՁՔ
-099999s3ՂՕ
/*--*99999s3ՃՖ
/*--*99999ԱՄ
099999ԲՅ
Արագ Որոնում


Գրիգոր Արծրունի 
1845 թ., Մոսկվա
1892 թ., Թիֆլիս
«Մշակի» 1904 թ-ի գլխագիրը
«Մշակը» հասարակական-քաղաքական, գրական օրաթերթ է. լույս է տեսել 1872–1921 թթ-ին, Թիֆլիսում (1885 թ-ին ընդհատվել է): Հիմնադրել և 
մինչև 1892 թ. խմբագրել է Գրիգոր Արծրունին:

«Մշակը» (սկզբում՝ շաբաթաթերթ) արծրունյան շրջանում համախմբել է ժամանակի առաջադեմ հասարակական գործիչներին ու գրողներին (Պերճ Պռոշյան, Ղազարոս Աղայան, Գաբրիել Սունդուկյան, Ալեքսանդր Շիրվանզադե, Վրթանես Փափազյան և ուրիշներ), կարևոր դեր է կատարել հայ ժողովրդի մշակութային-լուսավորական կյանքում, զգալիորեն նպաստել հայ նոր գրականության զարգացմանը: Հատկանշական է Րաֆֆու աշխատակցությունը թերթին, որի հրապարակախոսական հոդվածները, ինչպես նաև շարունակաբար տպագրվող ազգային-ազատագրական պայքարի կոչող երկերն ավելի են բարձրացրել թերթի հեղինակությունը և ընդլայնել ազդեցության ոլորտը:
Որպես ազատամիտ մտավորականության գաղափարական խոսափող՝ թերթն առաջադրել է ժողովրդավարական վերափոխումների ծրագիր, սոցիալ-տնտեսական զարգացման ճշմարիտ ուղին համարել է խաղաղ բարեփոխումները, տնտեսության ազատականացումը, հանդես է եկել հանուն հայ դպրոցի աշխարհականացման: Ունենալով ընդգծված ռուսական կողմնորոշում՝ թուրքական լծից արևմտահայության փրկության հույսը կապել է Ռուսաստանի հետ: Ռուսական առաջին հեղափոխության (1905–07 թթ.) տարիներին ազգային հարցը եղել է «Մշակի» ուշադրության կենտրոնում: 1917 թ-ին պաշտպանել է Ժամանակավոր կառավարությանը, մերժել Հոկտեմբերյան հեղափոխությունը և սատարել Անդրկովկասում ազգայնական կուսակցությունների քաղաքականությանը:
Փակվել է Վրաստանում խորհրդային իշխանության հաստատումից հետո:
«Մշակի» խմբագիրներ են եղել Ալեքսանդր Քալանթարը, Համբարձում Առաքելյանը, Լեոն (Առաքել Բաբախանյան), Տիգրան Հախումյանը և ուրիշներ: