Այբուբեն
and(9999/99999ԶՇ
" and9999999999ԷՈ
" and9999999999ԸՉ
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
and(9999 99999ԵՆ
Արագ Որոնում


Պետական կարգը՝  
միապետություն
Մայրաքաղաքը՝  
Պուտրաջայյա
 Տարածքը՝ 
336,8 հզ. կմ2
Բնակչությունը՝  
25,8 մլն
Պետական լեզուն՝  
մալայերեն
Դրամական միավորը՝  
ռինգիտ
Կուալա Լումպուրի կենտրոնի համայնապատկերը
Մալայզիայի Դաշնություն
Մալայզիան պետություն է Հարավարևելյան Ասիայում: Բրիտանական համագործակցության անդամ է: Զբաղեցնում է Մալակկա թերակղզու հարավային և Կալիմանտան կղզու հյուսիսային մասերը: Հարավչինական ծովով բաժանվում է Արևմտյան (Մալայա) և Արևելյան (Սարավակ ու Սաբահ) մասերի: 
Մալակկա թերակղզու մակերևույթի մեծ մասը ցածր ու միջին բարձրության (1000–2000 մ) լեռներ են: Թերակղզու և Կալիմանտան կղզու ծովափնյա գոտում կան դաշտավայրեր: Երկրի ամենաբարձր կետը (4101 մ) Կինոբալու լեռն է Կալիմանտան կղզում:
Կլիման հասարակածային է, Մալակկա թերակղզու հյուսիսում՝ մերձհասարակածային: Գետային ցանցը խիտ է: Գետերը (Պահանգ, Ռաչանգ, Կինաբատանգա) կարճ են ու ջրառատ: Տարածքի 3/4-ը զբաղեցնում են թանկարժեք ծառատեսակներով մշտադալար անտառները, որոնք խիստ տուժել են անտառանյութի մեծաքանակ մթերման ու արտահանման պատճառով: Կենդանական աշխարհը հարուստ է ու բազմազան (կաթնասուններ՝ 240, թռչուններ՝ 600, կրիաներ՝ 25, մողեսներ՝ 400, ձկներ՝ 1000 տեսակ, և այլն): 
Մալայզիան եղել է Պորտուգալիայի, ապա՝ Մեծ Բրիտանիայի գաղութը: Անկախություն է ձեռք բերել 1957 թ-ի օգոստոսին:
Երկրում բնակվում են մալայացիներ (59 %), չինացիներ (32 %) և հնդիկներ (9 %):
Խոշոր քաղաքներն են Կուալա-Լումպուրը, Ջորջթաունը, Իպոն:
Ներկայումս Մալայզիայի արդյունաբերությունը զարգանում է շատ արագ: Տնտեսական համագործակցություն է հաստատել Ճապոնիայի հետ. իր տարածքում տեղաբաշխել է վերջինիս պատկանող աշխատատար
Մալայզիայում փյունիկյան արմավենիներ աճում են ամենուր:
արտադրություններ (ռադիոտեխնիկական, էլեկտրոնային սարքաշինական, ավտոմեքենաների հավաքման, թեթև արդյունաբերության ձեռնարկություններ): Արդյունաբերության մեջ առաջատարը հանքարդյունահանող (նավթ, գազ, անագ, վոլֆրամ, երկաթ, պղինձ, ոսկի) և վերամշակող ճյուղերն են:
Գյուղատնտեսության առաջատար ճյուղը երկրագործությունն է՝ հատկապես կաուչուկատուների մշակությունը: Մշակում են նաև յուղատու և կոկոսյան արմավենիներ, բրինձ, ծխախոտ, արքայախնձոր և այլն: Զբաղվում են ձկնորսությամբ:
Գյուղական բնակավայրերում մալայացիները տները կառուցում են ցցագերանների վրա՝ փայտից ու հնդկեղեգից, չինացիներն ու հնդիկները՝ գետնին՝ փայտից: Քաղաքներում կան ժամանակակից ոճի կառույցներ:
Տարածված են բրուտագործությունը, հնդկեղեգնյա հյուսածո իրերի պատրաստումը: