Այբուբեն
" and9999999999ԸՉ
"/*--9999999999ԹՊ
"/*--9999999999ԺՋ
-09999999999ԻՌ
-09999999999ԼՍ
/*--*9999999999ԽՎ
/*--*9999999999ԾՏ
099999conveԿՐ
099999s3ՀՑ
099999s3ՁՈւ
099999ԱՂՓ
099999ԲՃՔ
and 199999ԳՄՕ
and 199999ԴՅՖ
and(9999 99999ԵՆ
and(9999/99999ԶՇ
" and9999999999ԷՈ
Արագ Որոնում


Շերտավոր մանգուստը հարձակվում է օձերի (օրինակ՝ կոբրայի) վրա. մինչ վերջինս կհասցնի խայթել, մանգուստը կոբրային բռնում ու սպանում է:
Մանգուստները (իխնևմոններ) վիվերների ընտանիքի գիշատիչ կաթնասուն կենդանիներ են: Հայտնի է 17 տեսակ՝ տարածված Աֆրիկայում, Հարավային Ասիայում և Եվրոպայում:
Միջին մեծության կենդանիներ են: Մարմինը երկարավուն է (երկարությունը 23–64 սմ է, պոչինը՝ 23–51 սմ), կենդանի զանգվածը 0,5–3 կգ է: Ոտքերը կարճ են, դունչը՝ սուր: Մորթին կոշտ է, միագույն կամ բծավոր, պոչը՝ փափկամազ: Նման են կզաքիսազգիներին:
Ապրում են անտառներում, թփուտներում, եղեգնուտներում, երբեմն՝ բնակավայրերին մոտ: Գիշերային կյանք են վարում: Շատ ճարպիկ կենդանիներ են և բնակության վայրի պայմաններին լավ են հարմարված, որի շնորհիվ 31 տեսակի մանգուստներից ոչ մեկին անհետացման վտանգ չի սպառնում: Որպես կանոն՝ այս գազաններն ապրում են միայնակ կամ զույգերով, միայն որոշ տեսակներ կազմում են ընտանեկան խմբեր, չնչին մասը՝ մեծ գաղութներ (մինչև 40 անհատ): Ունենում են 2–4 ձագ: Սնվում են մանր ողնաշարավորներով, մասամբ՝ անողնաշարավորներով, կարող են հարձակվել ընտանի թռչունների վրա: Որոշ տեսակներ օգտակար են. ոչնչացնում են թունավոր օձերին, առնետներին:
  • Մանգուստները XVIII դարի վերջին  տարվել են Հավայան կղզիներ և Վեստ Ինդիա: Մարդիկ փորձում էին նրանց օգնությամբ պայքարել տեղական թունավոր օձերի և առնետների դեմ: Սակայն ծրագիրը խափանվեց. մանգուստներն օձերի փոխարեն գերադասեցին սնվել վայրի թռչուններով ու ընտանի հավերով: