Այբուբեն
"/*--9999999999ԷՇ
-09999999999ԸՈ
-09999999999ԹՉ
/*--*9999999999ԺՊ
/*--*9999999999ԻՋ
09999999999ԼՌ
09999999999ԽՍ
099999conveԾՎ
099999s3ԿՏ
and 099999s3ՀՐ
and 199999ԱՁՑ
and(199999ԲՂՈւ
and(9999 99999ԳՃՓ
" and9999/99999ԴՄՔ
" and9999999999ԵՅՕ
"/*--9999999999ԶՆՖ
Արագ Որոնում


Չբացահայտված թռչող օբյեկտները (ՉԹՕ-ներ) չճանաչված թռչող մարմիններ են: ՉԹՕ-ների՝ որպես այլմոլորակային սարքերի մասին պատկերացումը գալիս է վաղ անցյալից: Այդ են վկայում տարբեր երկրներում հայտնաբերված ժայռապատկերներում հանդիպող հուր արձակող, երկնքում թռչող տարօրինակ առարկաների պատկերները: Հարյուրավոր տարիներ շարունակ մարդիկ պատմել են, որ երկնքում տեսել են ինչ-որ տարօրինակ առարկաներ: Սակայն այդպիսի վկայություններն անհամեմատ շատացան Երկրորդ համաշխարհային պատերազմի ավարտից հետո: 1947 թ-ին ամերիկյան մի օդաչու Վաշինգտոն քաղաքի (ԱՄՆ-ի Կոլումբիայի նահանգ) վրայով ինքնաթիռը վարելիս հաղորդեց, որ երկնքում տեսնում է կլորավուն, ափսեներ հիշեցնող օբյեկտներ: Այդ դեպքից հետո ՉԹՕ-ները հաճախ սկսեցին անվանել նաև «թռչող ափսեներ»:
XX դարի 50–60-ական թվականներին բազմահազար հաղորդագրություններ ստացվեցին ՉԹՕ-ների հայտնաբերման վերաբերյալ: Դրանք շատ էին հատկապես ԱՄՆ-ում. 1948–69 թթ-ին ԱՄՆ-ի ռազմաօդային ուժերում ավելի քան 12.000 հաղորդագրություն է արձանագրվել ՉԹՕ-ների հայտնվելու մասին: 1969 թ-ից հետո ՉԹՕ-ների վերաբերյալ պաշտոնական արձանագրություններ չեն կատարվել, սակայն բազմաթիվ երկրներում մարդիկ շարունակում են տեսնել այդպիսի օբյեկտներ: Կատարվել են նաև գիտական հետազոտություններ. ստացված արդյունքների մասին հաղորդագրությունները հրապարակվել են մի քանի անգամ: Դրանցից ամենակարևորներից մեկը 1969 թ-ին հրապարակել են ԱՄՆ-ի ռազմաօդային ուժերը: Գիտնականներին հաջողվել է տալ ՉԹՕ-ների հայտնաբերման բազմաթիվ դեպքերի միանգամայն բնական բացատրությունը, օրինակ՝ «թռչող ափսեների» շատ նման են արտասովոր ձևի ամպերը: Այլ դեպքերում պարզվել է, որ ՉԹՕ-ների են նման երկնաքարերը, հրթիռները, արհեստական արբանյակները կամ ամպերի բարձր շերտերից անդրադարձվող արտացոլանքները:
ՉԹՕ-ների հայտնաբերման ոչ բոլոր դեպքերն են բացատրելի, սակայն գիտնականների մեծ մասը կարծում է, որ այդ օբյեկտներն այլ աշխարհներից եկվորներ չեն, այլ բնության երևույթներ են կամ ստեղծված են մարդու ձեռքով: Այնուամենայնիվ, հսկայական թվով մարդիկ շարունակում են հավատալ ՉԹՕ-ների՝ այլմոլորակային տիեզերանավեր լինելու վարկածին, և այդ թեմաներով ստեղծվում են բազմաթիվ գրքեր, կինոֆիլմեր, կազմվում հեռուստատեսային ծրագրեր և այլն: