Այբուբեն
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
099999ԳՅ
099999ԴՆ
199999ԵՇ
and 199999ԶՈ
Արագ Որոնում


Պետական կարգը՝ 
միապետություն
Մայրաքաղաքը՝  
Նուկուալոֆա
Տարածքը՝ 
699 կմ2
Բնակչությունը՝ 
103 հզ. 
Պետական լեզուները՝ 
տոնգա, անգլերեն
Դրամական միավորը՝ 
պաանգ
Տոնգայի Թագավորություն
Տոնգան պետություն է Խաղաղ օվկիանոսի հարավ-արևմուտքում՝ Տոնգա (Բարեկամություն) կղզեխմբի վրա: Բրիտանական համագործակցության անդամ է:  Կազմված է Խաապայ, Վավաու, Տոնգատապու կղզեխմբերից և 169 առանձին կղզիներից: Տոնգատապու կղզին 1643 թ-ին հայտնաբերել է Ա. Թասմանը, իսկ 1773 թ-ին այստեղ ափ է իջել Ջ. Կուկը և կղզիներն անվանել Բարեկամության կղզիներ: 
Տոնգա կղզեխումբը կազմված է 2 զուգահեռ շղթաներից, որոնք տեղադրված են միջօրեականի ուղղությամբ ձգվող ստորջրյա լեռնաշղթայի վրա: Այստեղ է գտնվում խորությամբ աշխարհում երկրորդ իջվածքը՝ Տոնգան (-10882մ): Կղզիներն ունեն հրաբխային ծագում, լեռնային ռելիեֆ, առանձին սրածայր գագաթներ հասնում են մինչև 1000 մ բարձրության: Կան գործող, այդ թվում՝ ստորջրյա (Ֆալկոն) հրաբուխներ: Կլիման մերձհասարակածային և խոնավ արևադարձային է: Գետեր կան միայն Էուա և Նիուատոպուտապու կղզիներում: Կղզիները ծածկված են հասարակածային խիտ անտառներով: Կենդանական աշխարհն աղքատ է: 
Տոնգան եղել է Մեծ Բրիտանիայի գաղութը. անկախություն է ձեռք բերել 1970 թ-ին: Երկրի բնակչության 98 %-ը պոլինեզացիներ (տոնգացիներ) են, կան եվրոպոլինեզական խառնածիններ: Երկրի տարածքի 20 %-ը (36 կղզի) անմարդաբնակ է: Նավահանգստային քաղաքներ են Նուկուալոֆան և
Թագավորական պալատը Տոնգայի մայրաքաղաք Նուկուալոֆայում
Նեյաֆուն:
Բնակչության հիմնական զբաղմունքն անասնապահությունն ու երկրագործությունն են: Մշակում են կոկոսյան արմավենի, ադամաթուզ, արքայախնձոր, տարո, բատատ, բանջարեղեն: Արդյունաբերությունը թույլ է զարգացած: Կան փայտամշակման ու գյուղատնտեսական հումքի մշակման ձեռնարկություններ ու արհեստանոցներ: Անհրաժեշտ մեքենաները, սարքավորումները, արդյունաբերական ապրանքները ներմուծվում են: