Այբուբեն
"/*--99999s3Ճ
-099999s3Մ
-099999ԱՅ
/*--*99999ԲՆ
/*--*99999ԳՇ
099999ԴՈ
099999ԵՈու
099999ԶՉ
099999ԷՊ
099999ԸՋ
199999ԹՌ
199999ԺՍ
9999 99999ԻՎ
and 9999/99999ԼՏ
and 9999999999ԽՐ
and(9999999999ԾՑ
and(9999999999ԿՓ
" and9999999999ՀՔ
" and9999999999ՁՕ
"/*--99999conveՂՖ
Արագ Որոնում


Ձկնորսությամբ զբաղվել են վաղընջական ժամանակներից. որոշ ցեղերի (օրինակ՝ Հյուսիսային Ամերիկայի հնդկացիների) համար այն ապրուստի հիմնական միջոցն էր: Ձկնորսական հիմնական գործիքներից էին քարե կամ մետաղե եռաժանիները, տեգերը, թակարդները, ցանցերը, ուռենու ճյուղերից հյուսված սակառները, սուզաքար-ծանրոցները և այլն:
Տարբերում են ձկնորսության 2 տեսակ՝ արդյունագործական և մարզական:
Արդյունագործական ձկնորսությունը բնակչությանն ապահովում է արժեքավոր սննդամթերքով: Այն ձկնարդյունաբերության ճյուղ է, որը Համաշխարհային օվկիանոսից, ծովերից, լճերից, գետերից, ջրամբարներից արդյունահանում է բազմազան ձկներ, ծովային կաթնասուններ, փափկամարմիններ, խեցգետնակերպներ: Սակայն ձկնատեսակների գերորսի հետևանքով համաշխարհային պաշարները խիստ կրճատվել են, ինչի հետևանքով աճել է ձկան արհեստական վերարտադրման պահանջը արհեստական ջրամբարներում, ծովախորշերում և այլն: Լայնորեն կիրառվում է նաև աքվարիումային ձկնաբուծությունը: Ձկնորսությունը կատարվում է կատարելագործված նավերով. կիրառվում են տարբեր որսաձևեր՝ ուռկանային, լուսային և այլն: 
Մարզական (սիրողական) ձկնորսությունն ակտիվ հանգստի և ֆիզիկական կոփման ձև է. թույլատրվում է բոլոր ջրամբարներում (բացառությամբ արգելոցների, ձկնաբուծարանների և հատուկ սահմանված շրջանների): Որսի համար կիրառվում են բազմատեսակ կարթեր, սպինինգներ, իսկ սիրողական նպատակով ցանցերի և տարբեր  ուռկանների օգտագործումը խիստ սահմանափակվում է կամ արգելվում:
Թվում է` ձուկ որսալն ամենևին էլ դժվար գործ չէ, սակայն հեշտ բան չէ կարթը սահուն նետելն ու ջրի հենց նշանառված մասում խայծն իջեցնելը: Դրա համար պետք է մարզվել:
Ձկնորս-մարզիկների միջև տեղի են ունենում զանազան մրցումներ: Անցկացվում են նաև ձկնորսական սարքերը հմտորեն գործածելու մրցումներ՝ քաստինգ: Մարզական ձկնորսության միջազգային ֆեդերացիան կազմակերպում է ձկնորսության և քաստինգի աշխարհի առաջնություններ ու հաստատում ռեկորդները:
Իսկական ձկնորսը խստորեն պահպանում է ձկնորսության կանոնները, հոգում ջրամբարների ձկան պակասը լրացնելու մասին: 

  • ՀՀ-ում արդյունագործական ձկնորսության 90%-ն իրականացվում է Սևանա լճում: