Այբուբեն
/*--*99999ԳՇ
099999ԴՈ
099999ԵՉ
099999ԶՊ
099999ԷՋ
099999ԸՌ
199999ԹՍ
199999ԺՎ
9999 99999ԻՏ
and 9999/99999ԼՐ
and 9999999999ԽՑ
and(9999999999ԾՈւ
and(9999999999ԿՓ
" and9999999999ՀՔ
" and9999999999ՁՕ
"/*--99999conveՂՖ
"/*--99999s3Ճ
-099999s3Մ
-099999ԱՅ
/*--*99999ԲՆ
Արագ Որոնում


Գեղագիտության ազգային կենտրոնի մուտքը
Գեղագիտության ազգային կենտրոնի «Գորանի» երգի-պարի  անսամբլը
Գեղագիտության ազգային կենտրոնը հիմնադրվել է 1978 թ-ին, Երևանում` արվեստաբան Հենրիկ Իգիթյանի ջանքերով` 
1970 թ-ին ստեղծված աշխարհում առաջին մանկական ստեղծագործության թանգարանի հիման վրա:

Գեղագիտության ազգային կենտրոնն ուսումնամշակութային հաստատություն է, որտեղ ձեռք են բերում գեղագիտական գիտելիքներ: 
Կենտրոնի մանկական ստեղծագործության թանգարանում ցուցադրվում  են հայ և ավելի քան 120 երկրների երեխաների ստեղծագործություններ: 
1978 թ-ից կենտրոնում գործում են գեղարվեստի և դեկորատիվ-կիրառական արվեստի, պարարվեստի ստուդիաներ (սովորում է 4–16 տարեկան շուրջ 5 հզ. երեխա), «Գորանի» երգի-պարի, «Հայկական զարդանախշեր» պարի անսամբլները, ժամանակակից պարերի խումբը, ժողովրդական գործիքների 7-ամյա երաժշտական դպրոցը, «Մետրո» երիտասարդական թատրոնը, «Փոքր թատրոնը»՝ դրամատիկական և տիկնիկային թատերախմբերով, թատերական դիզայնի ստուդիայով:
Կենտրոնը մասնաճյուղեր ունի Գյումրիում, Վանաձորում, Սևանում, Գորիսում, Մեղրիում: 
Հենրիկ Իգիթյանի նախաձեռնությամբ հայ մանուկների աշխատանքները ներկայացվել են Վաշինգտոնում, Չիկագոյում, Նյու Յորքում և Միլլոուկիում (ԱՄՆ, նվիրված էր Հայաստանում քրիստոնեության ընդունման 1700-ամյակին), Կոլմարում, Մարսելում, Ստրասբուրգում (Ֆրանսիա), Բոխումում (Գերմանիա), Դավոսում (Շվեյցարիա), Հռոմում, Բրյուսելում (հայ երեխաների նկարազարդումներով «Աստվածաշունչ մանուկների համար» թեմայով ցուցահանդես) և այլուր:
Կենտրոնում ձևավորվել են ավանդույթներ. ամեն տարի մայիսի 20-ին Երևանի օպերայի և բալետի թատրոնի հրապարակում երեխաները նկարում են ասֆալտի վրա. լավագույնները խրախուսվում են, պարգևատրվում, հրավիրվում սովորելու Գեղագիտության ազգային կենտրոնում: Հունիսի 1-ին Կենտրոնում կազմակերպվում է ցուցահանդես՝ նվիրված Երեխաների պաշտպանության միջազգային օրվան:
Կենտրոնը հրատարակում է նաև պատկերազարդ գրքեր` «Կենաց ծառ», 1995 թ., «Ֆուձիյամայից Արարատ», 1997 թ., «Հայկական հեքիաթներ», 1999 թ., «Եղիցի լույս», 2001 թ., «Աստվածաշունչ», 2002 թ., «Սասունցի Դավիթ»՝ ըստ Հովհաննես Թումանյանի, 2004 թ., «Հեքիաթների կախարդական աշխարհը» (ռուսերեն, 2007 թ.) և այլն:

Գեղագիտության ազգային կենտրոնում գործում են բազմաթիվ խմբակներ: