Այբուբեն
/*--*99999ԳՇ
099999ԴՈ
099999ԵՉ
099999ԶՊ
099999ԷՋ
099999ԸՌ
199999ԹՍ
199999ԺՎ
9999 99999ԻՏ
and 9999/99999ԼՐ
and 9999999999ԽՑ
and(9999999999ԾՈւ
and(9999999999ԿՓ
" and9999999999ՀՔ
" and9999999999ՁՕ
"/*--99999conveՂՖ
"/*--99999s3Ճ
-099999s3Մ
-099999ԱՅ
/*--*99999ԲՆ
Արագ Որոնում


Եվրոպայի խորհրդի դրոշը
Եվրոպայի խորհուրդը (Եվրախորհուրդ) քաղաքական միջկառավարական կազմակերպություն է, որի անդամ կարող է դառնալ յուրաքանչյուր եվրոպական պետություն, եթե ընդունում է իրավունքի գերակայությունը և երաշխավորում իր իրավասության ներքո գտնվող յուրաքանչյուր անհատի իրավունքներն ու հիմնարար ազատությունները:
Եվրախորհրդի նպատակը մարդու իրավունքները, բազմակարծիք ժողովրդավարությունն ու իրավունքի գերակայությունը պաշտպանելն է, հասարակության իրազեկությունը բարձրացնելը և Եվրոպայի մշակութային ինքնության ու բազմազանության զարգացումը խթանելը, եվրոպական հասարակության առջև ծառացած մարտահրավերներին (խտրականությունն ու ատելությունը փոքրամասնությունների և այլազգիների նկատմամբ, անհանդուրժողականությունը, ահաբեկչությունը, կազմակերպված հանցագործությունն ու կոռուպցիան, թրաֆիկինգը, երեխաների նկատմամբ բռնությունը և այլն) ընդհանուր լուծումներ տալը, սատարելով քաղաքական, օրենսդրական և սահմանադրական բարեփոխումները՝ Եվրոպայում ժողովրդավարական կայունությունն ամրապնդելը: 
Եվրախորհուրդը հիմնադրվել է 1949 թ-ին և այժմ ներառում է 46 անդամ-պետություն: Հայաստանն անդամագրվել է 2001 թ-ին: Եվրախորհրդի կենտրոնական գրասենյակը գտնվում է Ֆրանսիայի Ստրասբուրգ քաղաքում: Եվրախորհուրդն զբաղվում է եվրոպական հասարակության առջև ծառացած  կարևոր խնդիրներով` բացառությամբ պաշտպանության: Նրա աշխատանքային ծրագիրն ընդգրկում է մարդու իրավունքների, լրատվամիջոցների, առողջապահության, կրթության, մշակույթի, սպորտի, երիտասարդության, տեղական ժողովրդավարության և համագործակցության, շրջակա միջավայրի ոլորտները: Պետությունների կառավարությունները, ազգային խորհրդարանները, տեղական ու տարածքային իշխանությունները Եվրախորհրդում ներկայացված են առանձին: 
Եվրախորհրդի որոշումները ներկայացնում է Նախարարների կոմիտեն, որի կազմում են բոլոր անդամ-պետությունների արտաքին գործերի նախարարները կամ մշտական ներկայացուցիչները: 2004 թ-ին Խորհրդարանական վեհաժողովը Թերրի Դեյվիսին 5 տարի ժամկետով ընտրել է գլխավոր քարտուղար: Եվրախորհուրդը ֆինանսավորում են անդամ-պետությունների կառավարությունները: Բյուջեի ներդրումները հաշվարկված են բնակչության թվին և տնտեսական զարգացման մակարդակին համապատասխան:

   Եվրոպայի խորհրդի պաշտոնական լեզուներն են անգլերենն ու ֆրանսերենը, սակայն որպես աշխատանքային լեզուներ օգտագործվում են նաև գերմաներենը, իտալերենն ու ռուսերենը:
   1987 թ-ի հունիսի 18-ին Եվրոպայի խորհուրդն ընդունել է հատուկ  բանաձև, որով դատապարտել է 1915 թ-ի հայերի կոտորածները Թուրքիայում` որպես կազմակերպված ցեղասպանություն: