Այբուբեն
099999ԳՅ
099999ԴՆ
199999ԵՇ
and 199999ԶՈ
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
Արագ Որոնում



Փայլածու
Հասարակածային տրամագիծը՝ 4.878 կմ
Զանգվածը՝ 3,3.1023 կգ 
Միջին հեռավորությունը Արեգակից՝ 58 մլն կմ
Նվազագույն հեռավորությունը Երկրից՝ 91 մլն կմ
Իր առանցքի շուրջը պտտման պարբերությունը (օր)` 59 երկրային օր
Արեգակի շուրջը պտտման պարբերությունը (տարի)՝ 88 երկրային օր
Մակերևույթի ջերմաստիճանը՝ -185օC-ից մինչև 430օC
Արբանյակներ չունի

Մերկուրին Արեգակին ամենամոտ և ամենաարագընթաց մոլորակն է: Նրա մակերևույթը ծածկված է միլիարդավոր տարիներ առաջ երկնաքարերով ռմբակոծվելու հետևանքով առաջացած խառնարաններով, որոնցից ամենամեծը կոչվում է Տաք ավազան: 1976 թ-ին այդ խառնարաններից մեկը կոչվել է Սայաթ-Նովայի անունով: Մերկուրիի մթնոլորտը չափազանց նոսր է, այսինքն՝ գործնականում բացակայում է:
Արեգակի շուրջն արագ պտտվելու հետ մեկտեղ՝ Մերկուրին չափազանց դանդաղ է պտտվում իր առանցքի շուրջը, այդ պատճառով նրա մակերևույթի յուրաքանչյուր տեղամաս, Արեգակի այրող ճառագայթների տակ մի քանի երկրային ամիս մնալով, խիստ տաքանում է: 
Մերկուրին կազմված է մի քանի շերտից: Կարծր ապարներից բաղկացած կեղևի տակ քարե միջնապատյանն է, իսկ մոլորակի կենտրոնում գտնվում է հեղուկ մետաղե միջուկը: Վերջինիս սեղմման հետևանքով Մերկուրիի մակերևույթին գոյացել են 3 կմ բարձրության հսկայական ծալքեր: 
1974 թ-ի մարտին «Մարիներ-10» տիեզերական սարքն անցել է Մերկուրիի մոտով և լուսանկարել այդ մոլորակը: Լուսանկարներից առաջին անգամ պարզվել է, որ Մերկուրին նման է Լուսնին: Նույն թվականի սեպտեմբերին «Մարիներ 10»-ը կրկին անցավ Մերկուրիի մոտով, իսկ 1975 թ-ի մարտին կատարված երրորդ թռիչքի ժամանակ տիեզերական այս սարքը, անցնելով Մերկուրիի մակերևույթից ընդամենը 300 կմ հեռավորությամբ, նոր տվյալներ է հաղորդել Երկիր: